Strákar, stelpur og hlutverkaspil

ATH!

Viðvörun: Að lesa bloggfærslu er góð skemmtun. Eftirfarandi texti inniheldur nördisma á háu stigi, og er ekki við hæfi þeirra sem ekki eru slíku vanir. Viðkvæmum er bent á að sleppa lestri eftirfarandi bloggfærslu ef þeir eru haldnir nördafælni af nokkru tagi.

Takk fyrir.

 

Það hefur varla farið framhjá neinum sem er á annað borð inni í hlutverkaspilum að það er yfirleitt talin vera karlaíþrótt, þó til séu goðsögur um kvenkyns spilara, og jafnvel til fólk sem segist hafa spilað með slíkum. Sem kvenkyns spilari með margra ára reynslu af spilun í stelpuhópum (þ.e.a.s. hópum þar sem ALLIR spilarar eru stelpur) auk blandaðra hópa, lít ég í ljósi þess á það sem skyldu mína að koma nokkrum hlutum á hreint í þessum málum.

 

Fyrst nokkrar “urban legends” um kvenspilara sem eru ekki sannar:

-Kvenspilarar eru ekki til

Ósatt, ég afsanna þetta t.d. með tilvist minni.

-Stelpur spila bara bard og sorceress

Öh, nei. Ekki frekar en að strákar spili bara warrior og barbarian. Stelpur eru kannski líklegri, þegar þær byrja, til að velja class sem líkist því sem þær gætu ímyndað sér að vera í fantasíuheimi ... en strákar eru ekkert öðruvísi með það. Og eftir að fólk er kominn inn í spilið er allur gangur á því hvaða class það spilar. Sjálf hef ég spilað karlkyns half-orc barbarian, sem var geðveikt. Þó ég hafi líka spilað kvenkyns elven sorceress, auðvitað. Sem var alveg jafn fínt.

-Stelpur hugsa bara um að láta karakterana sína verða ástfangna og giftast

Aftur, öh nei. Þessi mýta kemur kannski til af því að stelpur virðast hugsa svolítið meira um samskipti persónanna, og afleiðingar samskiptanna – strákar eru líklegri til að sjá karakterinn sinn sem einhvern sem berst, galdrar og leysir þrautir, en ekki einhvern sem eignast vini, fer í fýlu við fólk og á unnustu sem bíður eftir sér heima. Þó það sé aftur allur gangur á því.

-Stelpur vilja ekki spila bardaga

Stelpur vilja ekki spila bardaga eftir bardaga eftir bardaga, sem er allt annað. Þær verða yfirleitt fyrr þreyttar á að lemja gaura í hausinn með stórri kylfu, en það er ekki það sama og að segja að þær vilji enga bardaga spila. Það er ágætt að fá að stunda smá ofbeldi, bara ekki stöðugt.

 

Síðan nokkrar staðreyndir sem virðast gilda um kvenspilara:

-Hack&Slash er u.þ.b. 95% meira hjá karlkyns spilurum

“Sparka niður hurðina. Drepa. Loota. Repeat ad nauseam.” Nei, þetta kemstu ekki upp með í stelpuhóp. Ef þú vilt drepa-loota-drepa-loota-drepa geturðu bara spilað tölvuleiki, nóg til af leikjum með slíku þema.

-Samskipti persóna eru u.þ.b. 95% meiri hjá kvenkyns spilurum

Hver er karakterinn þinn? Hvað finnst honum um hina karakterana, og þá sem þau mæta? Myndi hann vingast við þennan, myndi hann reyna að breyta þessum, yrði hann hrifinn af þessum? Sem kvenkyns stjórnandi freistast ég oft til að gefa XP fyrir það þegar spilarar gera karakterinn sinn að alvöru persónu sem á í samskiptum við aðrar persónur, og hef tekið eftir því að stelpum virðist finnast þetta mun sjálfsagðari hluti spilsins en strákum.

-Brawn vs. brain

Það fer auðvitað eftir spilaranum og karakternum, en á heildina litið eru strákar líklegri til að leysa vandamál með “við ambushum hann og berjum hann”. Stelpur eru aftur á móti líklegri til að leysa þau með “við plötum hann svona, notum þennan galdur og þennan, og yfirheyrum hann síðan þegar hann er varnarlaus”. Sem er skemmtilegt þegar stjórnandinn er karlkyns og allir spilararnir kvenkyns (eða vice versa), og gera alltaf allt annað en stjórnandinn á von á ...

-It’s not fair!

Ef hegðun einhverrar persónu kemur illa niður á hinum er líklegt að viðbrögð strákahóps og stelpuhóps verði ólík. Strákarnir munu veifa frösum á borð við “survival of the fittest”, og málið er dautt og gleymt. Stelpurnar, aftur á móti, eru mun líklegri til að stoppa og ræða það hvort ætti að breyta hegðuninni í þágu hópsins. Og málið gleymist svo sannarlega ekki fljótt ef einhver verður fúll ... stelpur backstabba.

-Vistir

Strákahópur þarf aldrei að óttast að það sé ekki til nógu mikið snakk á spilafundinum handa öllum (reyndar þarf strákahópur yfirleitt ekki að óttast að það sé ekki til nógu mikið snakk á spilafundinum handa öllum íbúum Vestfjarða, ef því er að skipta). Hins vegar er í hæsta máta ólíklegt að strákahópur hafi fund þar sem allir mæta með heimabakað ... sem stelpuhópar eru mun líklegri til að gera. Möffins og lakkrísmarens, namm.

=Þ

Athugasemdir

[Gunna (IP-tala skráð) 25.2.2008 kl. 16:16]

Sem kvenkyns spilari get ég skrifað undir þetta sem nokkuð rétta lýsingu...allavega af hópnum okkar. Ég hef einungis tvær spurningar; veistu nokkuð hvenær við spilum næst og hvað á ég baka? ;)

[. (IP-tala skráð) 26.2.2008 kl. 03:36]

skondið

Persónulega hef ég alltaf saknað meiri söguþráðs í þau skipti þegar ég hef verið að spila d&d en hef annars ekki spilað það oft.

kobbi 

[Jakob (IP-tala skráð) 26.2.2008 kl. 11:34]

ÞAð hefur yfirleitt verið mín reynsla að stelpur sæki meira í önnur kerfi en D&D sem eru einfaldari og meira sögu base´aðri.

Annars var hún Anna mín ekki lítið vinsæl á mótinu sem við fórum á saman. Mátti ekki bregða mér frá og þá var strax kominn svitahringur af nördum íkringum hana og hún farin að öskra á hjálp með augunum. Enda eina gellan á staðnum. Annars hef ég aðeins þekkt eina stelpu aðra sem að spilaði og hún var hræðileg . Sjáum hvort þið Akureyrar meyjur náið ekki að draga stereótýpuna uppúr drullunni hmm.

[Rut Rafnsdóttir (IP-tala skráð) 3.3.2008 kl. 19:03]

Veistu, þetta er algerlega rétt hjá þér dúllan mín... en ég verð að spyrja að því sama og Gunna... Hvenær spilum við næst? Og svo er spurning hvort maður beki eitthvað fyrir ykkur greyin :)